سعود الدماسي

سلامي سلامن فيه عزه ومقدار=وحشمه وقيمه للرجال الكرامي
يامعجب تقدم وانت من نسل الاحرار=عطاوي واعدك يالعطاوي حزامي

معجب العتيبي

عدد مافرحنا يالعتيبي بالامطار=هلا مرحبابك ماشيه بالنظامي
والا ياسعود العلم هاته والاسرار=نباها خفيه يالفطين القطامي

سعود الدماسي

عسى الله يبارك فيك ياواف الاشبار=بعد هل بامر الله صدوق الغمامي
انا اشوف ناسن يمك اتلد الانظار= بعد ماسرق راع الحلال الحرامي

معجب العتيبي

والا يالدماسي مالك ومال الاخطار=توكد من علومك وعش في سلامي
من المايله والله ماني بمحتار=ولا همني يافلان كثر الكلامي

انا ماني بعلم التزاوير هذار=تجيك الرساله في جناح الحمامي
هبوب الشمال اتهب من يم سنجار=وهبت بنجدحدود ميتين عامي

انا مااذكرتك غير بالطيب والخار=ولكن نصيحه للرجال الحشامي
تهب الهبوب وعقبها عج وغبار=ويدري بها المفطوم قبل الفطامي

يقولون من قرب عمر عند عمار=واناقول يمكن فشتباه الاسامي
لقينا شعيل وشال تسعين قنطار=لكنه برك وشعيل ناب السنامي