ترى الحق مثل السيف والسيف مجرود=ولافيه لجل الحق رفق ولطافه
الك الله يامرزوق لك يوم موعود= ولابه خليفه دايمن فالخلافه

تزيد العلوم وكلها اسهود ومهود = وحنا هل الوقفات واهل العرافه
نعرف ان لو طال العمر مابه اخلود = وبعض الدعاوي ماعليها حسافه

نحسبك جمل واثر الجمل صار مفرود=لكن الك راسن مثل راس الزرافه
بنينا لك القبر المسمى وملحود=وباقي عملك الي نشر فالصحافه

احسبك رشيد وصرت جاهل ومقرود = وصار ابك من ضيم السنين اختلافه
ابا اعلمك قدرك وابا افتلك اقيود = ترى قبلك اللي قد لقى مايعافه

ترى صدرك الضيق من السيف ملهود=مدامك ضيوق ولا تحب الطرافه
مابين الثريا والقمر شي موجود=مكان و قدر لسيف والكل شافه

ترى السيف هذا قدمنا كنه العود = ولو شاف نفسه شي سهل انعطافه
تبين الحقايق والخلل صار مشهود = ياليت ان بعض الناس مارد قافه