تقول انك تسددها وانا خبرك بدون رصيد = ولن هاذي من اولها ترا ينعاف تاليها
ديار الروم تعلنها على الموجات والترديد = وعلى الصفحات سجلها وزينها باساميها

انا أصيد السمينة مارميت وصدت هزل الصيد=وأشيل امّ الزناد اللّي عطيباتٍ مراميها
لقيناها وشفناها على الصفحات بالتأكيد=تقول أكبر تجمّع حاضر الدنيا وماضيها

ترا ما كل رجالن تحزّم قلنا جاب حصيد = وكم مره تصوبها وكم شفناك تخطيها
عتيبه ياهلا العوجا على قوله امير يشيد = مزاين ماحدٍ حوله ولا قرّب خطاويها

ليا جاء الماقف الغصّاب ماني في اللقا رعديد=لكنّ انته تبيّنها على العالم وتخفيها
انا أقول العتيبي في المواقف كلّها صنديد=ولا همّه جميع الناس قاصيها ودانيها