الهيـــــــــــــلا *** منتدى قبيلة عتيبة
صفحة 2 من 3 1 2 3
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ياهل المحاوره كلكم فيكم بركه (http://www.otaibah.net/m/showthread.php?t=79205)

معجب العتيبي 06-Oct-2008 12:48 AM
دربك اللي مشيته ليش ياعقاب عفته=ليش ياعقاب عفته عقب كلٍ درابه
ياعجايب عجايب وصفك اللي وصفته=لا لحقنا شكوك ولا لحقنا غرابه

البريماني 06-Oct-2008 02:37 PM
مبدعين الله الله طارووق جميل استمروا ياعصابة راااسي

معجب العتيبي 06-Oct-2008 03:59 PM
الوفا طبعي


نورت المتصفح


شكرا لمرورك وصح بدنك

معجب العتيبي 06-Oct-2008 04:05 PM
عقاب بن سقيان العتيبي

ياسلامي سلام من حسابي حسبته=وافي الناس احب اوفيه واحسب حسابه
ماشريت القصيد شرا ولاقد نهبته=شاعر من حموله والقبيله عتابه



معجب العتيبي

مرحبا مرحبا بعقاب من يوم شفته=شاعرٍ في محله ياهلا مرحبابه
كان ياعقاب بيت الله عرفته وطفته=عن كثير الدروب الزم دروب الصحابه


عقاب بن سقيان العتيبي

من يطيع الهقاوي يالعتيبي حرفته=اعرف الدرب كله وقفته وانقلابه
انت رجل سديد ومن ضربني ضربته=من تركني لحالي تاركه ويش ابابه


معجب العتيبي

دام هرجك بدا ياعقاب طبعك عرفته=خل صدرك يابن عمي شديد الرحابه
من صرفلي ريال جنيه(ن) احمر صرفته=سوق بيع وشرا مافيه سرق ونهابه



عقاب بن سقيان العتيبي

يابن عمي حكيم ومن رغبني رغبته=من بغى سوقنا الغالي بماله شرابه
الجمل فيه صبر ومن يعدل رقبته=وادري انك خصيم كل درب سرابه


معجب العتيبي

حق غيرك لنفسك ماخبرتك نسبته=واعتبرها مع اهل العلم علم وذرابه
الجمل للحمول الكايده ليش عبته=انشد اهل المعرفه من بعيد وقرابه


عقاب بن سقيان العتيبي

يالعتيبي يغيب ابليس عنا وجبته=والكتاب الكريم مصلي من قرابه
عفشك اللي نحزمه كيف رحت ونكبته=فيه احد ياجودي هاللون ينثر زهابه



معجب العتيبي

دربك اللي مشيته ليش ياعقاب عفته=ليش ياعقاب عفته عقب كلٍ درابه
ياعجايب عجايب وصفك اللي وصفته=لا لحقنا شكوك ولا لحقنا غرابه

عقاب بن سقيان العتيبي 06-Oct-2008 05:15 PM
الوفا طبعي شكرا للمتابعه

عقاب بن سقيان العتيبي 06-Oct-2008 05:19 PM
والله انك معاند لو تبا الحق اصبته=مير قولك عوج والناس فيها تشابه
وادي محتمينه لا تدور حطبته=نصلح البيت وانت تروح تبغى خرابه

معجب العتيبي 06-Oct-2008 05:37 PM
انت مسرع ومن يمشي على الدرب طفته=هد سرعتك لا يمسك راع الرقابه
دمع عينك علامك فوق خدك ذرفته=لاتجيك الهموم وعيش عيش الذيابه

عقاب بن سقيان العتيبي 06-Oct-2008 07:46 PM
يالعتيبي حلبنا لك حليب وشربته=وابتلاك الطمع واشغلت حتى شبابه
عوذ ابليس وارع الدار فامنه ونبته=والخطا مايجوز النا ولالك ارتكابه

عبدالله القريشي 06-Oct-2008 08:13 PM
عقاب بن سقيان العتيبي..(والله انك معاند لو تبا الحق اصبتـه)
معجب العتيبي..(هـد سرعتـك لا يمسـك راع الرقابـه)

محاوره عجيبه بين شاعرين الكل منهم يقوال الزود عندي
عقاب
معجب
أمتعتونا والله يوفقكم
تقبلوا تحيات
أخوكم
عبدالله القريشي

سهم الليل 06-Oct-2008 08:27 PM
صراحه قمة الابداع واصلو يالفحول


الساعة الآن »11:33 AM.
صفحة 2 من 3 1 2 3
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd