سلامي على إلي فالمواقيـف رجّـال=وغيره من العربان مالـه سلامـي
زكاة الشعر عنـدي ثلاثيـن مـوّال=وعشرين شاعر من رصاصة حزامي

الا يالمسلم لاتعجل بالاقوال=سلامك على العربان عمه نظامي
تزكا الشعر وانته سلامك على جال=سلامك قصرته عن جميع الانامي

أجل ما شملك القول ياطيّب الفال = عليك الحرام وماعليـّه حرامي
أزكي زكاة الحول من راس الأموال = وأزكي على إلي يكثرون الملامــي

انا يشتملني قول من يحتم القال = تحرم تحلل مفتي(ن) فالمنامي
ياطيبك تقهويني مقابلك دلال= وانا مغتني عن زكوتك يالزلامي

المشاركة الأصلية كتبت بواسطة محمد الحمادي (المشاركة 743488) بحر جدّه الله يبيّض وجهك :) مجهودك على رآسي وعلى عيني وتشكر عليه

يقولون يسمج هرّج من قال لا طال = ومن طال هرجه ليش يلبس وسامي
أنا في محلـّي ليش ما أصب فنجال !! = معزبك وأقهويك وأفهــم كلامـــي