شيختك عند الهنوف اللي تشيخها = ولاّ الرياجيل ماتقدر تصامخها
لكن ناقتك طاوعني ونوخها = والنار ماتحرق الا رجل واطيها

وش لون افهمك يالحلمان = الصدق منت بحراويه
من شان هاني ورى زعلان = افكارك افكار جاويه

المشاركة الأصلية كتبت بواسطة مرزوق حمدان العتيبي (المشاركة 730349) شيختك عند الهنوف اللي تشيخها = ولاّ الرياجيل ماتقدر تصامخها لكن ناقتك طاوعني ونوخها = والنار ماتحرق الا رجل واطيها .. وش لون افهمك يالحلمان = الصدق منت بحراويه من شان هاني ورى زعلان = افكارك افكار جاويه

ماني مشبهك فيهامير ياربي= هذا الولد فاهمن بالحيل متربي
اقولها والهوى ذعذع من الغربي= والنار ماتحرق الا رجل واطيهااااااا

روح مع هذيل والسلمان=والا مع اهل الحساويه
قله ترى جالك كحيلان=يارد عدودٍ رهاوويه

السيف مثلوم والذرعان مكسوره = ومن كسرها اللي بها ماهيب مجبوره
جحدت ربعك وجيت مسوي ٍ ثوره = والنار ماتحرق الا رجل واطيها

بنشوف فعلك مع الفطسان = يسمعك هاني عزاويه
يالسيف عوذ من الشيطان = قدمك زبون الجلاويه

المشاركة الأصلية كتبت بواسطة مرزوق حمدان العتيبي (المشاركة 730374) السيف مثلوم والذرعان مكسوره = ومن كسرها اللي بها ماهيب مجبوره جحدت ربعك وجيت مسوي ٍ ثوره = والنار ماتحرق الا رجل واطيها .. بنشوف فعلك مع الفطسان = يسمعك هاني عزاويه يالسيف عوذ من الشيطان = قدمك زبون الجلاويه

ياجعل بقعاء تجي مرزوق وتلطه= انا معافا وشيل الرجل واحطه
تحت الثرى قبل نور الشمس لايغطه= والنار ماتحرق الا رجل واطيهاااا

تسمع خبر صاحبك من شان=قبره علىارصنٍ خلاويه
ونعم مير اعدل النيشان=هقواك ماهي هقاويه