عز الله انه مايفلّك يالحديد الا الحديد = واكثر عباد الله ليا من صد ماني طالبه
المقفي اقفي عنه والمقبل بترحيبه نزيد = واللي معه عقل ٍ سليم ٍ مابحل من خاطبه

صدقت والله مير عن دربك حذاري لاتحيد=انا معك وانته معي والعلم منهو جايبه
ماني بمقفي عنك لكن هات علمك يالسديد=احذر يروح ابك الخبر وتصير نوع محاربه

لا ياخذك هوجاس ثم اتضيع ياعبدالمجيد = جينا نبي نشعب جمل لكن كوينا غاربه
وان كان ودك بيننا مافيه ساعي للبريد = ابدبرتي كل السلوك الموجبه والسالبه

كل الدروب ادلها بالعرف ياعبدالحميد=لكن ماجبت العلوم الوارده والصايبه
ياطول ليلك وانت فوق شعيل لكن هيد هيد=وين انت يالراي الرشيد اللي نحب نصاحبه