ليش عينك بالدموع الغزيره مجهشه=تحسب ان اسهمك تنهار والمخرج ملي
الحجازي لن بغيته تعال وناقشه=وابعد الفتنه عن الدار والمخرج ملي

بندر المرشدي

فيه قافٍ يطرب البال مدري ينعشه=والمعاني فيه ملياااااار والمخرج ملي
انتهى وقت المجامل وضحك الدردشة=مابقى إلا شبت النار والمخرج ملي

معجب العتيبي

قاف يطرب بال راعيه واخر يبلشه=لكن اعجل هات الاخبار والمخرج ملي
مانبالك ضحك يااابندر ولا فرفشه=ولاتبركها على الزار والمخرج ملي

بندر المرشدي

في قناة المختلف صورةٍ لك مدهشة=تخطف الأضواء والأنظار والمخرج ملي
الحجازي دايماً مايخل الوشوشه=معه غير اللحي منشار والمخرج ملي

معجب العتيبي

ليش عينك بالدموع الغزيره مجهشه=تحسب ان اسهمك تنهار والمخرج ملي
الحجازي لن بغيته تعال وناقشه=وابعد الفتنه عن الدار والمخرج ملي

العرب ماهي لعلمك هذا متعّطشه=لا تحسبك فايف استار والمخرج ملي
ما نداني نحفر القبر والا ننبشه=مار جاء للقبر حفار والمخرج ملي

لو لقيت اللي شهد زور والله لكرشه=والشهاده جت من الجار والمخرج ملي
ماتداني لكن الدرب قدمك تفرشه=ودك بنبشه ومحتار والمخرج ملي