مـادام أقـريت تكـرم ياعـطـيه=ما حتاج محتاج أكرر لك سؤالي
ماجازي أنا ترى الحسنه بسيه=وبعد تراني عن الجرف الهيالي

يبين للـنـاس خـيـال السـريه=واللي معه معرفه ماهو بخالي
وين أنت وين أنت ياتوني قريه=لو قالو الناس سالي مانت سالي

سلام وثني سلامي والتحيـه=على ثقات الرجال أهل المعالي
البنك يحــتـاج نـاس صيرفيـه=تصرف جـنيـهـات دولار وريالي

يامرحبـا ياهـلا والنـار حـيـه=والليل دوب استوى والسوق غالي
يا الزايدي جـاك خيـال العبيـه=احفظ حلالك وانا بحفـظ حلالـي

دام البقا با الرجال أهل الحميه=والليل سـاري وبالله أتكالـي
الوافي اللي مايبغاله وصيـه=محتاط للاولات (ا)و لتوالـي

يا صاحبي ويش عندك من قضيه؟؟=لاتحسبك مثل ابو زيد الهلالـي!!
بعض العرب فيـه علـه داخليـه=وانا طبيبه علـى طـول الليالـي

عندي زعامه عليك ومقدريه=ماني بتارك لك الليله مجالي
بعض العرب مايدور للزريه=لا مع بعيد والا عم وخالـي

تبى تبين العلوم اصبر شويـه=ما انت بزعيم الله يعز الرجالي
الله غني مار انا نفسي غنيـه=لاتحسبني مضيع راس مالـي

أعلومك أنته تبين اللي خفيه=يارجل يارجل مانته بالمثالي
والعيه اللي مسوي له دعيه=اليوم أشوفه يفتل فالحبالـي

حنا وردنا على حوض المنيـه=تاريخنا فا الزمـان اول وتالـي
ان كان يا الاجودي طمعان فيه=يا الزايدي حيلتي من دون حالي

مادام أقريـت تكـرم ياعطيـه=ما حتاج محتاج أكرر لك سؤالي
ماجازي أنا ترى الحسنه بسيه=وبعد تراني عن الجرف الهيالي

اثرك خيـال وعزومـك قويـه=تضربها فا الجنوب وفا الشمالي
بعض العرب مايكب العنصريـه=واثرك مغرور با قي لاتزالـي

يبين للنـاس خيـال السريـه=واللي معه معرفه ماهو بخالـي
وين أنت وين أنت ياتوني قريه=لو قالو الناس سالي مانت سالي