في اللي مضى واللي بقى اظن قلبك ماسلى = العام اخذتك طقطقه واليوم اخذتك طقطقه
ماحد(ن) يدوّر للكرم عند البخيل الارفلا = وجه البخيل الارفلا عن ضيف بيته يدرقه

المشكله علم الحقيقه فالكتاب مسجلا = عندي وبشهود الحقيقه يالصحيب موثقه
تبا توقع فالطحال شوي والا فالكلا = أثرك سوات اللي توقع في حثوله بندقـــه

المشكله ياصاحبي في قلبك اللي مبتلى = في كل ليل ويوم ابو لمار قلبك يحرقه
من بعد ضيّعت السوالف مابقول امجمّلا = ايجمّل الله حال ناس(ن) كل طرق(ن) تطرقه

اما تقدم قدم والا ارجع ورا ومكبلا = طبعك كذا مزنوق والمزنوق صعبه نزنقه
لاصعبت الدعوى يابو لمار خلوها جلا = اقرب ملف ارميك يالخبر مع مفرقه