عبدالرزاق القشعمي

سلام الله على اهل الوفا واهل المواجيب = بعد ليلي سرى وادبحن كل النجومي
انا ابلعب واناديك ياسبع اللواعيب = اباخذ من علومك وتاخذ من علومي

أبو مناسيب

هلا يامرحبابك هلا مليون ترحيب=بعد ماطاب ليلك عسى وضعك يدومي
وصلك اللي يتاجر مع كبار المناصيب=وحنا نعرف الناس معطى ومحرومي

عبدالرزاق القشعمي

بعد ما جابك الله لي يابومناسيب = تحيزم ودنا نعتلي فوق الرجومي
انا مدري وش الوضع عندك لا عوى الذيب = ولا يجهلك فالوقت هازم ومهزومي

أبو مناسيب

بعد ماجيت يالقشعمي هندب هناديب=وحدد وجهتك وين ياولد القرومي
ليا منه عوى الذيب من فوق المراقيب=يواجه ذيب مثله وسداد اللزومي

عبدالرزاق القشعمي

ليا باريتني لا تحسّب للعواقيب = توافقنا معك بالمذاهب والسلومي
عقيد القوم من صابته شلفا تريحيب = لك الله شوف عيني وهو شلاّه تومي

على سنة رسولي بلا شك ولاريب=عليها ماشي وربك الواحد رحومي
الا يالرامي اللي تصيب احيان وتخيب=ترى قدمك رياجيل للعليا ترومي