غيرتك غيرت رجال ونظرتك نظره مديه = والجمل ورقان كلّ ٍ وده يجود خطامه
وسع الخاطر وربك يصلح اوضاع البريه = وابشر انه كلها فتره وتنزاح الغمامه

بناخي صياف

ياسلام الله على ماقع يشرفني مجية = ان نضرنا في عضوده وان نضرنا في سنامه
مانبا ياهل المعاني غير الايمان السخية = طيّبٍ راس المعزب يوم يوفي لي كلامه

مرزوق حمدان العتيبي

مرحبا ياللي تسلم جيتنا والنار حيه = كل ضيف ٍ له حقوقه كل رجل ٍ له مقامه
اسمك يخليك تجلس فالصفوف الاوليه = وابشر انا اهل المقام المعتلي واهل الزعامه

بناخي صياف

الدلال الي تجي كبر الجبال الحائليه = منقصينٍ بنها والكيف مخلوفٍ نضامه
والعرب ماغير تشرب في صباح وفي عشيه = مالقو عنها بديل وما لقو منها سلامه

مرزوق حمدان العتيبي

المثل هذا عجيب ودلتك ماهي صريه = اختفت منها علامه وظهرت فيها علامه
الله انه يرحم الاحوال والنيه مطيه = والتواكل بالمشاكل من علامات القيامه

بناخي صياف

يالعتيبي لو نقول ان المثل مافيه زيه = ناشر الديوان ماميز حلاله عن حرامه
ودي اصيح وانادي وينكم ياهل الحمية = ورثة الاحرار خمتها الحمامه والنعامة

مرزوق حمدان العتيبي

غيرتك غيرت رجال ونظرتك نظره مديه = والجمل ورقان كلّ ٍ وده يجود خطامه
وسع الخاطر وربك يصلح اوضاع البريه = وابشر انه كلها فتره وتنزاح الغمامه