الي يبون الفضيحه جعلهم للذهاب= هذولي الناس قلي وش تسمونها
والله ما من وراهم غير شين وخراب= وعلاهم اللعنه اللي يستحقونها

اللي يحب السوالف في ظهور الغياب=يولع الجمره الحمرا بغليونها
تبين سود القلوب اللي عليها الثياب=لو حاولوا بالثياب البيض يخفونها

انا عطيتك سوال ولا لقيت الجواب= يالي تعذبت مع ليلى ومجنونها
خل البساط احمدي وشعب مع اهل الركاب= وعط العرب حسب مذهبها وقانونها

ياللي تعاتب ترا ماهيب حزة عتاب=امانةٍ تحتويها كف مامونها
اعز نفسي كرامه ياعزيز الجناب=واهل الخساسه تعيش الوقت بغبونها

انته من اللي يحلون الامور الصعاب= مار السفينه بلاها في دركسونها
البنت جابولها لبساَ قصير ونقاب= ماباقي الا ملابسها يشيلونها

الله الله

محاورة من العيار الثقيل

لاهنتووووا ....

حاسب ضميرك قبل يوم البعث والحساب=والناس بالمخطيه لاعاد ترمونها
غض البصر واحتسب بالمغفره والثواب=والا احتم البنت لاكدت لك قرونها