بعض خلق الله عطاه الله من المجد العريق=وبعض خلق الله فتحله في طريق العكس باب
راعي الحجه القويه لانطقها مايويق=والسوالف ياعميلي بعضها يصبح عتاب

الطويل

مرحبا والنار شبت واحرقت معجب حريق = يا عساه اليوم سالم لا فقيد ولا مصاب
شايفه في بحر جدة قبل يومينٍ غريق = بسأله يمكن سؤالي يلحقه منه جواب

معجب العتيبي

البقا بك بالمرحب والوسيعه لاتضيق=ياعساهن مايصيحنك جميلات الخضاب
صاحب السياره اللي لفلفتبه فالطريق=يوم شفته في طريقك ليش ضيعت الصواب؟

الطويل

احتزم يا صاحبي والوضع ماشي يا صديق = كل خلق الله بتسكن مسكنٍ تحت التراب
صقرهم يا صاحبي كنت احسب انه لي رفيق = وعقب ما فجر قنابلها عرفت انه غراب

معجب العتيبي

احتزمنا واتكلنا بالله وحبله وثيق=يارفيق ان زانت الطرقه ترا مابه غياب
ليت بعض الناس من عمياه ياعالم يفيق=قبل دنياه السعيده تصبح بلحظه خراب

الطويل

كل واحد همه انه يظهر بمظهر يليق = والصواب اصبح خطا والعرف صايبه التهاب
ليت بعض الناس من نومه يقوم ويستفيق = الله انه لا يبارك بالحشيش وبالشراب

معجب العتيبي

وانت ودك تصبح الكبتن على ذاك الفريق=ويصبح التنسيق عندك بين ضرس وبين ناب
الغشيم اللي معه بابور في بحرٍ عميق=علموه يسلّم البابور غيره ياشباب

الطويل

ماشيٍ درب السعة ما جيت دربٍ فيه ضيق = سارح البال يتحدى والعصيمي ما يهاب
صل فرضك يا فتى ثم حج بالبيت العتيق = معجب اعجب بالمطمة لين جاته ثم تاب

معجب العتيبي

بعض خلق الله عطاه الله من المجد العريق=وبعض خلق الله فتحله في طريق العكس باب
راعي الحجه القويه لانطقها مايويق=والسوالف ياعميلي بعضها يصبح عتاب