| معجب العتيبي |
10-Aug-2008 11:19 PM |
ذيب الفيااافي
ياسلام الله سلام اسلام والمسلم بدابه = يارياجيل (ن) تقدرها وتحشمها عداها
ياعتابه مانبا ياكود شاعر من عتابه = ويتعين كلمة(ن) تسمع جبال ابها صداها
مرجح الميزان
مرحبا يا ذيب ياللي جيت في حلة ذيابه=والذيابه للذيابه قيسها وأعرف مداها
كل جابه عندنا من فوقها حجه وجابه=هات علمك والدروب اثنين وأختر في حداها..!!
ذيب الفيااافي
البقا بك والدروب اثنين لو ماهي تشابه = لا تخيرني واخير في حداها من بداها
كيف ضيعتوا حجج برهانكم وانتوا شبابه = لين قد عقالكم من ضيمها تفرك يداها
مرجح الميزان
لو تجي راع النجاره تخبره بأحوال بابه=يكبر البرطم وعينه تشتعل من زود داها
وش تبى باللي يخص أهل الطويله وش تبا به..؟!=وأنت ما تنزل ديرها لو تقول من حدداها..!!
ذيب الفيااافي
لو تعذر للمنقد ما عذر من حر مابه = بارك الله في رجال(ن) طيبها يسبق رداها
مار كان انك تقول انك من احفاد الصحابه = نبه اهل الحرب لا تبكي على كثر اشهداها
مرجح الميزان
النقاده درب هافي والعتيبي ما مشى به=وبارك الله في رجال ما يعذربها (رداها)
أنتبه لا تزعل الهذلان فحدود القرابه=ثم تصبح من نصيب الليل ولا من غداها..!!
ذيب الفيااافي
العرب نادت عليك البارحه تبغا الحرابه = وانت لاهي في علوم(ن) غير 0000 ماتسمع نداها
رح ترا توفيق حول لك حواله من حسابه = والرجال اهل الظفر عله ومن مثله فداها
|
