أسم ورثته بلا شك ولا ريب=ياللي تلد النظر شرق وشامي
معهم ليا ولعت روس المشاهيب=والاسم راسخ على طول العوامي

طيب نبا نغير الموضوع ونجيب=طاريك بين الرياحي والزلامي
دقشه خفيفة وجت في رفرف الجيب=ولا ضرته دام هو حسب النظامي

مذكور بالطيب واكمل مواجيب=وانته تنيرت يالطير التهامي
انا اشهد انك تعرضت اللواهيب=وانا مع اهل الاشده والمسامي

فالمعرفة خابرك ما من تجاريب=الا يدينك على الفاضي تواميّ
رصيدك اصفار...وتحب الاكاذيب=وحنا نعرف الصقور من الحمامي

مابي شهادتك ياللي حادر شعيب=تلعب معي ودك بعال السنامي
ضيعت حجتك ودك بالمهاريب=لاتدفن الرأس ياطير النعامي

امّيل عقيلك ومركب شنيب=فرحان في صورتك ياذا الغلامي
آثرك شاعر قوي... بالحيل وصعيب=عسى الولي منك يكتب لي سلامي