يالديار اللي تحرّى يعقب السيل ,, سيل = فالمزون اللي هبوب الشمال اتسوقها
يالجلاه ان كان رقمك لقيته فالدليل = العيون اللي تضدّك كحلنا موقها

العطا من ربنا مانبا رزق البخيل=الدير في خير متخالطٍ رقروقها
ياولد عاصي تريح تحت ضلٍ ضليل=كم وقفنا دونكم والخصوم نعوقها

لو تقدّم من جهتنا يصير المستحيل = كان يمدي كل برقا تهنّي روقها
يالعصيمي كل واحد مقدمله حصيل = الصقور اليا تعلّت تطيح اسبوقها

المصيبه ماتقدمتوا لكسب الجميل =كل واحد عندها يحتري مرقوقها !! هههه
يابن عاصي صاحبي لاتحط ولاتشيل=الذيابه رزقها دوب دوب حلوقها

ودنا يظهر صداكم على الرجم الطويل = والصراحه كل كبوه تبين افروقها
لونكيل الصاع صاعين وش تقدر تكيل = مار خل الثانيه مقفلٍ صندوقها

نحمد الله صيتنا معتلي كنه سهيل=فارقٍ بين الكواكب تعرف فروقها
لاتعومس دام فالكيف بمسمارٍ وهيل = انت تعرف مغرب الشمس بعد شروقها