شوفهم يرضعون الديس لجل حليبه=كل واحد يحسب كم مكاسب تجيله
همهم كم يحصل كل واحد في جيبه=صار مايكسبونه من دراهم قليله

الـغـلـيـبـه ترانا مـا نحـب الغليبه=منزل أهل الكرم يفوح بنه وهيله
كاسبين المراجل والشعر نعتزي به=كل رجال منا فارس بين جيله

كل ذيب يبا يعجبه شـي يجيبـه=دامه أختار من خير العلوم الجزيله
والهدف كل رجال مايقدر يصيبـه=والخفيفه خفيفه والثقيلـه ثقيلـه

كل ذيـب تبـي تلقـا ربوعـه عتيبـه=يضرب الكايـدات ولـه ذراع طويلـه
من ورا الخير خير ومن ورا الشر خيبه=علم الـي ليامـن قـام يلعـن حصيلـه

والنعم يا العصيمي فيك ماهـي غريبـه=وأنت رجل عتيبي من شيـوخ القبيلـه
من ورى الخير تلقا كل خير (ن) وطيبه=مار حذرى ينوش الزند خشـم الفتيلـه

ونعم فيك أنت لاجات الدعاوي صعيبـه=تعقل الي يابن عمي مافيها عقيلـه
فالمعادي تولع كان شبـت شبيبـه=وابشر اني مجود في عنان الاصيله

يا ولد عمي الدنيا غريبـه عجيبـه=فارس الشعر فاز وسيفنـا ماعطيلـه
والمدرب مادام أنـه يـدرب كتيبـه=ليش يعطون غيره سيف وهو المهيله

فارس الشعـر مايلحقـه شـك وريبـه=مير بـرج التجـاره طـاح ياعزتيلـه
ومن يبي من وراه يحوش صدق الكسيبه=حط يمنـاه ياربعـي بوسـط المليلـه

شوفهم يرضعون الديس لجل حليبه=كل واحد يحسب كم مكاسب تجيله
همهم كم يحصل كل واحد في جيبه=صار مايكسبونه من دراهم قليلـه

راضعين الحليب اضن من ديس ذيبه=مير ماتنشي الا يالصحيب المخيلـه
كل من يرقب العالي ينوشه غصيبه=قد رفعنا سيوف بالمعـزه صقيلـه

الغليبه ترانا مـا نحـب الغليبـه=منزل أهل الكرم يفوح بنه وهيلـه
كاسبين المراجل والشعر نعتزي به=كل رجال منا فارس بيـن جيلـه