تقولها واقول لك ماني على الضيق محدود = عزالله اني مامشيت الا مع الدرب السوي
الحكم لله يالغّليم ثم لعيال السعود = أزبن عليهم كان جتك هموم دنياك سروّي

المزن خيّل فوق راسك وأنت تسمع فالرعود = وحرام ما تسري... بعد بالميسم تذوق الكوي
خابرك لا ذقت الكوي من بعدها تركد ركود = ونهاية المشوار أنا أعدك صديق ولي خوي

المشاركة الأصلية كتبت بواسطة مرزوق حمدان العتيبي (المشاركة 703714) ... . قاف ومحراف ولا اروع .. كلكم مجرمين ومبدعين :) ...

المشاركة الأصلية كتبت بواسطة السبيــــعي (المشاركة 703936) الله الله اجراام ياقادح وسلطااان ههه صحت السنتكم الله يعطيكم العافية

المشاركة الأصلية كتبت بواسطة عبد الله@العتيبي@@ (المشاركة 703958) الله الله على الابداع من الطرفين وروينا شعر ولله لا يهينكم

سـلام تسليمـة تشابـه للجواهـر والنـقـود = من هاجس ٍ جاه الطرب.. ولا الطرب له محتوي
عيّنت سلطـان الجـذع يـوم ٍ بركلـه قعـود = وشد الحملولة ...ثم سرّى فالطريق المستـوي

يامرحبا بك عد مارف العلـم فـوق العمـود = من هاجسٍ مختص فالابـداع والبيـت القـوي
قعـودٍ أقشـر يالثبيتـي لارمـوح ولاهبـود = رما به الحظ الردي ... والذيب من عصر يعوي

ماهو بعير ٍ مير أظنه يالجذع ... ناقه ولـود = وجمّالها ضاوي وناوي شر يالصاحب نـوي
أنا أشهد إنك شاوي ٍ راسه وقلقلت الكبـود = يا طيبها يوم إنضجت ..يا طيبها وقت الشوي

لاوالله الا شكلها ماهـي ولـود ولاودود = يعني ماهي حظ السعد لاجات فمراح بدوي
لكن حاسـب يالغليّـم لاتبيّـح بالسـدود = أطو السراير في ضميرك يابعد حالي طوّي

يكفي مديح ..إفطن لسيل ٍ فاض من كل السدود = يا جعله الليلة يسيـل وكـل ضامـي يرتـوي
في ماضي الأيام يا سلطـان عديّـت الحـدود = لكنـك الليلـة بلشـت وجـاك درب ٍ ملتـوي

تقولها واقول لك ماني على الضيق محدود = عزالله اني مامشيت الا مع الدرب السوي
الحكم لله يالغّليـم ثـم لعيـال السعـود = أزبن عليهم كان جتك هموم دنياك سروّي

المزن خيّل فوق راسك وأنت تسمع فالرعود = وحرام ما تسري... بعد بالميسم تذوق الكوي
خابرك لا ذقت الكوي من بعدها تركد ركـود = ونهاية المشوار أنا أعدك صديق ولي خوي