انت طيبّ بس تطمع حاجة ماهي متاحه=واقفً لك دونها التفتيش في خط الحويته
لا تسمى باسم عنتر وانت ما تملك سلاحه=الله انه يستر الشعب الكويتي في كويته

وانت طيب من قهرك تحك راحه فوق راحه=والمرور اعطيه رشوه في الطريق اليا مشيته
لو ماني مثل عنتر في مساه وفي صباحه=ماتلبّست القناع اللي على وجهك طويته

ما انقهرت ولا انشحنت وسامعً عندك نياحه=لا تلح الموتر اللي ماه قام يمد زيته
انت طالب فالصفوف الاولية للملاحه=ما يجوز ترز نفسك بالكتاب اللي قريته

المريض اليا مرض قيس المرض يرفع صياحه=وانت صحت وجرحك اللي في ضميرك ماكنيته
ما يقيمني بليدٍ مادرس علم الفصاحه= خل تقييمك لمثلك دام حدك مااحتميته

وابك حدي لو يباه المعتدي تعجز رماحه=والعزيز اللي رماه الله بكفي ما رميته
كيف تستولي على الرجال وتصادر كفاحه=اثر بعض الخلق في درب الخديعة مستميته

لاتقوله وانت مقفي تتبع الطاحه بطاحه=من مذله تسبق الرمح اللذي لاجلك بريته
مات والله يرحمه والزين مايبطل نكاحه=حسب شرع الله بنيت بها وماواها بنيته

البحر مده وجزره صعب يبغاله سباحه=لو تقاوي موجه الغلاب تبطي ما قويته
اشرب بيمناك وارفع رايتك في كل ساحه=لا تعلق فالكتوف وتسلب الشي ان هويته