انا اشهد انك تجيب السالفه بأعتدال=والنعم في صاحبي والنعم في لابته
لكنّ اشوف الكفيل يعامله بالدلال=وموظفه قبل يتأكد من شهادته

وعشرة انعام فيكم ياكريم السبال = ياصاحب ٍ كلنا نمشي على قالته
المشكله في مزوٌرة الهلل والريال = ولا الاماره تبا تسجنه لو شافته

وش رايك نكتفه ذا الليل يابن الحلال=وناخذ منه قصته ونسجل ايفادته
وان كانها ثابته ماصار فيها جدال=نسحب منه رخصته ونبيع سيارته

نبا نحقق معه بالطيب دون انفعال = وليا انكر المتهم نخنقه فعمامته
قدام لايعلن التوبه يرٌد الحلال = حكم العداله على كل البشر ثابته

اجل نويت اقترح والسالفه لاتزال=تحت النظر والعرب ماتعرف بغايته
نبيه قدام خلق الله يزين المجال=ويكون عبره لبعض الناس فنهايته

هذا الكلام الصحيح الي لابدٌه يقال = هذا اقتراح ٍ ترا ماضرٌته فادته
ماهو بعيب الخطا والعذر قدٌم الرجال = الناس ماتعذر الي يجحد افعالته