المشاركة الأصلية كتبت بواسطة مرجح الميزان (المشاركة 695704) هلا يامرحبا بك يالثبيتي والهلا ينعاد=تراحيب الرجال اللي بريح الهيل مرفوقه وأنا اقول الجمل دامه على عد الروى ينقاد=علامك تفلت خطام الجمل وتضيع طروقه..؟!

يدوم الك البقا ياصاحبي مليون فالعداد = وازيده لو تشوف عيونك الأسلاك محروقه
انا ماني بجمال الجمل لو شيخكم نشاد = اثر بعض العرب سمعت علوم ٍ جات مسروقه

عسى الله ما يخيب ظنكم وأنتم رجال أجواد=تحبون السلامه.. والسلامه بنت معشوقه
أجل كيف من الدله يالين يقرب البراد= وخل بعير له ربٍ يبا يحماه ويسوقه..!!

عسى الله يبقي رجال ٍ كريمة تحمي الامجاد = لو ان المجد يصعب والسلامه جات من فوقه
الا يامعزب الضيفان تعطي والعطاء سداد = ولكن الولد جاني يبى حق ٍ من حقوقه

ولا يالله أنا طالبك لطفك من على بغداد=لو ان ابليس في وسط المدينه ماشي"ن" سوقه..1!
ياطيب الكلمه اللي لا بدت تسلم من النقاد=اذا حق الولد عندك ترى رد الوفا ذوقه

المشاركة الأصلية كتبت بواسطة مرجح الميزان (المشاركة 695774) ولا يالله أنا طالبك لطفك من على بغداد=لو ان ابليس في وسط المدينه ماشي"ن" سوقه..1! ياطيب الكلمه اللي لا بدت تسلم من النقاد=اذا حق الولد عندك ترى رد الوفا ذوقه

احسبن الكلام اللى سمعته يالعتيبي فـاد = ولكن الذي يعصي بيشمي خاذل وقوفه
يخليها تروح .... ولا تقّرب حامد وحمّاد = على شان الولد حقه .... وعمه صح منطوقه

ترى موج البحر من صبة الأنهار ما يزداد=ولكن النهر صبة سحابه توسع فطوقه
يمررها لو ان القص ما يصعب على الحداد=بضربة ماس من حده تشوف متون مفروقه..!

الله الله

الختـــــــام ...

ختمها الفارس ....اللى دايم ٍ للمعركه معتاد = بسيفه ماتت العدوان والعدوان مرموقه