طبيعي كل واحد وده انه يكسب الامداح=ولكن المدايح دونها ضلعين مشهوره
ولا يا صفحة التاريخ قولي للعرب : سباح=زعل منه البحر وأغرق هدير الموج بابوره..!!

مرجح الميزان

ولا ياليلة القمرا .. مدام ان القمر وضاح=بسلم وأرمي الغتره ..وابا آخذ للقمر صوره..!!
صويب القلب ما يهجع مع العالم ولا يرتاح=وابن زراق لا منه قرب نسري على نوره

عبدالله حبيٌب الزراقي

ولا ياليلة القمرا ترا نور القمر فضٌاح = ترا نور القمر فضٌاح مار النفس مجبوره
ابن زراق يزرق ياطويل العمر زرق رماح = تبا ترتاح مثل الناس والاوضاع مستوره

مرجح الميزان

أجل سج القدم وأسهج على البيدا وحط وشاح=ولا همك لو ان الناس تنظر فيك مقهوره
وحياتك في يمين اللي تلوى له خرز مسباح=نصيحه لا تزعل صاحبك وتصير منثوره..!!

عبدالله حبيٌب الزراقي

انا ماشي طريقي والله الي يحفظ الارواح = نبا خوٌتك وانته صاحب ٍ يابعد منظوره
ولا ياراعي الاقفال عندي للقفل مفتاح = انا مكسر مفتاحي لو الاقفال مكسوره

مرجح الميزان

طبيعي كل واحد وده انه يكسب الامداح=ولكن المدايح دونها ضلعين مشهوره
ولا يا صفحة التاريخ قولي للعرب : سباح=زعل منه البحر وأغرق هدير الموج بابوره..!!

زرعنا الخوخ والرمان والليمون والتفاح = ونحصدها على طول السنه والارض معموره
تبيع وتشتري ياصاحبي وانته قليل ارباح = وابن زراق لو يزعل ترا مايخلف شعوره