كل لاعب في زمانه من تحت فية ظلاله=ولو يجازا بالنصيفه .. ما يجازي بالنصيفه
والله انا ما نداني فالوطن ظلم العماله=مسلمين وديننا وصى على الناس الضعيفه..!!

كل نجم يغيب يطلع فالسماء نجمٍ بداله=والرعد حنان والبراق يعجبنا رفيفه
(نشرب الفنجال يابو زيد ونكب البياله)=صاحبك يمشي بكيفه والعرب كلٍ بكيفه

التشابه فالاسامي ..والفعايل قول قاله=المقاطي : وش يجيب الشعب للروس المنيفه..؟!
ولا تقول انك على الزيدي مطلع لك كفاله=ثم تصبح صاحب الشيعي وتمسي في قطيفه..

من يمينك في يمينه من شمالك في شماله=والعلوم تبين بكره يالمقاطي فالصحيفه
بين مفهوم العداله والمحبه والزماله=وش نسوي بالرديف اللي تبرا من رديفه

صاحبك يا صاحبي فالمعرفه ما هو بداله=ولا يخامس باليمين.. ألا هل اليمنى النظيفه
ولو يقول أنه تحلم ..!! قول له كب الجهاله=ما يصدق بالحلوم ألا الرياجيل الخفيفه..!!