اللي مايحسب حساب القوم مايستخير=تمـطر عليـه السحابه وتكتب انهايته
يا مستـجـيـر برمـضا أنته تـراك الضـرير=أبليس فا النار والسبه هي أعصايته

السيف مرهف وحده ياجماعه خطير=لكن لازال بعض النـاس فعمايتـه
ماقدر الله سبحانه في وقته يصيـر=الله خلق كل شخص ويعلم أنهايتـه

يا مرحبا أنت ما سلمت يا ابن الاميـر=والحر من لابته والحـر مـن لابتـه
علومنا تقودها يا احمد سلوك الحرير=والسيف في الغمد والمجرم على حالته

دام البقا ياسند والـعــبـد دايم فـقـير=وحنا في حكم الله المعبود ورعايتـه
أشوف أنا الجو فيه غبار حر وسعير=ومن ماتمسك بدينه مارفـع رايتـه

الموقف اللي على بعض الاوادم عسير=وسيلته واضحه وايضا كـذا غايتـه
الكف في داخله جمره وشوك الحضير=واللي سبقكم سلـم والفايتـه فايتـه

الناس قالو الكره من حولنا تستدير=والناس تدري عن العالم مع أحكايته
عمر البادم لاشك أنه طويل وقصير=اللي توفى قبل ومن ينتضر جايتـه

ان كان ما عودت ما بين شور ومشيـر=والا غدانـا مـع الجـهـال والهايـتـه
من يفترش ريش غير اللي فراشه حصير=ابوك .. اشوفك تلزّم دوم فـ. . اوصايته

أن كان ما الله فرجها العلي القديـر=والا والمشاكل بدت والرب وعنايته
نرجع على عهدنا الأول نشد البعير=ومسلسل أهل الكفر بأين من أبدايته

يا كن في راسك الليلـه كـلام ٍ كبيـر=ودك تشيل العلـم والنـاس فحمايتـه؟
ويا كني اسمع بجحر الداب وشّ وصرير=يمكن بلاو البشر هـي حـق وكفايتـه

اللي مايحسب حساب القوم مايستخير=تمطر عليه السحابه وتكتب انهايتـه
يا مستجير برمضا أنته تراك الضرير=أبليس فا النار والسبه هي أعصايته

ما ينفع الا الاصايل ما تفيد الحمير=في جنب شيخ ٍ تلج القوم بحدايته
ياريح طيب ٍ مكرم عن خباثٍ وكير=وكتابنا واحد .. ويا طيبها اقرايته