تعشقت ظلم الزاج لأستعبد الأوراق = ولومااحسن التوقيت غنيت بلحونه
خطايا الصواب تصوب الخاطي التفاق = على كسرة الخاطريسوقنه ضنونه
يشق الظلام النور والناصيه براق = ترازم رعوده بالظماير على هونه
خفايا الغلا تثبت ولو يبست الارياق = تحامي ضلوعي لا اسرج البوح مع نونه
تعود غلاي الصمت لو هاجت الاعماق = يمرنه الاحداث ماهزت ركونه
تزور الليالي ضيم ويعاند الخفاق = ولو شفت مذخور النواظر قلب لونه
وعيني لها لده لو البال ماقد راق = وامد المسافه شوف والحلم بطعونه
تشربت من صغري مبادي هلي ترياق = شعورن خلايا الجسم ترعاه وتصونه
دماها وفاء وانصاف وهبه من الخلاق = ولا تلحق المقفي لو البرق بمزونه
تسابق علي صدري ليا ضاقت الاخلاق = واعديبها الراسي من الراس ممنونه
توارد علي الخاطر من الشارده ميثاق = نوادر سجلات التواريخ مامونه
عليها من الاوتاد رسم ونقي ورواق = عليها ثوابت من تعزوي بمزيونه
ترسخ معالمها بالاذهان ماتنباق = ولاها لخالقها ولاهيب مرهونه
تجاوزحدودالذات وتطوق الأعناق = تشيل الرقاب ذنوب وتموت مديونه
على اعلا معالي ماعلاوالسلام رقاق = تباشربه الآمال وتعود مغبونه
تجافى الجنوب من الملل والزمن مافاق = وسما الليل يردم مابعد باح مكنونه
يمرالسبوع اسبوع والمنتظر تواق = مابين الرجاءوالخوف والنفس مفتونه
من اهل الهوى ذاق الضنى والضنى غساق = حمم فوهة بركان والناس يردونه
صباح الهواوي مثل ليله سهر وارهاق = تسافر به الآمال وتعود من دونه
يراهن على ياسه وسلك الغرام دقاق = وحده مثل حد المهند وقانونه
تشيل المتون حمول والحمل ماينطاق = غنو طواريقه عرب مايعرفونه
تمادي الغوى بأهل الهوى والسنين عتاق = بلا ذنب شالت ذنب عيو يشيلونه
حوى الصدر دانة بيد مامونة الأعراق = يراود غلاها رغبة النفس وتخونه
تبي عبرتن تاخذ نفسها من الارماق = ولا همها اللي دونها عقد ردونه
ابا القلب لايسلى وزود الغرام فراق = فلا الوقت بعدها ولا الريح ميمونه
مشاريه تذبحها المعاذير ماتنساق = علي من يشوف الناس في مذنب عيونه
تساما عن الهين ولا تقبل الأخفاق = ولو طولت بين المحاديب مسجونه
لها عزتن ما تنتساوم على الأطلاق = بأمر اللذي كل المخاليق يرجونه
فداها القلم والطرس والليل والبراق = وصوتن على المنكوس غنتني لحونه
بلادي بلاد الخير والمجد والأشراق = دعاء الله خليله بأمنها لايمنونه
بدستورها القرآن عدلن ملا الأفاق = وحكامها ال سعود نهجه يقرونه
على الدين عاهدنا ولا للعهد بواق = بالأرقاب بيعه جوف الأعماق مخزونه
على العروه الوثقى يدوم العلم خفاق = بنور السلام اللي ملا الكون مضمونه