المشاركة الأصلية كتبت بواسطة مرزوق حمدان العتيبي (المشاركة 684894) .. الله الله .. اللي فعل معروف ياحمدان كفو ٍ للمديح = واللي جهل مذموم ياحمدان.. والساري سرا الله لايذكرك بالاحسان يالقلب الجريح = ياللي علينا تفتح البيبان .. والساري سرا

تعال ياحمدان دام اللعب ميدانه فسيح = شاعر تمثل ربعك المطران .. والساري سرا
اللي مشى فوق الطريق الملتوي يمكن يطيح = وان طاح تاتشمت به العربان .. والساري سرا

عندك قريّب هات علمك يالضمير المستريح = وانته وانا في منتدى العتبان .. والساري سرى
ما فيه رجلٍ لا احتمى ميقاف ربعه ما يصيح = الوقت يحكمنا بعض الاحيان .. والساري سرى

اللي فعل معروف ياحمدان كفو ٍ للمديح = واللي جهل مذموم ياحمدان.. والساري سرا
الله لايذكرك بالاحسان يالقلب الجريح = ياللي علينا تفتح البيبان .. والساري سرا

هذا كلام الصدق لاكن الصراحه للصريح = شتّان ما بين العرب شتّان .. والساري سرى
الي على درب الهدى يمشي ما هو يم النبيح = عزالله انه فارس الفرسان .. والساري سرى