والنعم والله فيك ياصقر مع صقور يحوم=ياصل مواصيل عجز غيره ترى ياصللها
وأنا تراني ماقصدك يوم أنك أنته لي تلوم=أقصد ضعيف يدعي باطل ونفسه غلها

سلام تسليمت وفاء وارفع علمها كل يوم=وأعبربها الأفاق وأغوص أبحور أدلهـا
اللي يبيع ويشتري مكسبه مضمون ويدوم=تاجر مع التجار ويحوز المراجـل كلهـا

يامرحبـا ترحيبـةٍ تطلـع مطاليـع النجـوم=واللي طموحـه للمعالـي لاعـزم ياصلهـا
ماكل من باع وشرى يكسب عسى حضك يقوم=والعقده اللـي مبهمـه ماكـل رجـل يحلهـا

دام البقا بك وأناعدك قرم من ضمن القروم=لك ماقفك بين القروم اللي ينومـس دلهـا
اللي مايحسب للخاسره ماكسب وقت اللزوم=والعقده اللي مبهمـه الهـا رجـال تفلهـا

انته من رجال الوفا والناس حاكم ومحكـوم=واهل الوفا مثل القصور اللي يضلل ضلهـا
يااحمد بعد جينا وجيتو ويش عندك من علوم=واهل والعلـوم الوافيـه والطيبـه ماملهـا

أنا من أرجال الوفا والي قسم بين القسـوم=وأهل الوفا يا الأجودي ماشوف أنا أحد مثلها
اللي يحبون الخساسه يارجل نـاس رخـوم=والله يكافينـا مـن أرخـوم تبيـن فعلهـا

ماقول فيك اقصور يااحمد شاعر ومن روس قوم=راجـع بيوتـك يالعتيبـي والـدروب افطلهـا
حنانمشيهـا علـى حسـب العوايـد والسلـوم=وانته فهيـم وعـارف ادقـاق العلـوم وجلهـا

والنعم والله فيك ياصقر مع صقور يحوم=ياصل مواصيل عجز غيره ترى ياصللها
وأنا تراني ماقصدك يوم أنك أنته لي تلوم=أقصد ضعيف يدعي باطل ونفسه غلهـا