مادام ابو نجر النفاعي شاعر ٍ توّه صغير = ليته يكب الشعر ويركز على مستقبله
يوم الشعر فتل ونقض وابداع منقطع النظير = كم واحد ٍ وقف على بابه وضيّع مدخله

الصغر والله ما يعذرب راعي الفكر الكبير = يا راعي الفكر الصغّير كب عنك المهزله ..!!
الله يخلّي قيس وآبو نجر ويخلي جرير = وبابٍ يجيب الريح يا مرزوق طعني قفّله ..!!

المشكله فاللي يفسرها على الفهم القصير = ياللي سبب هالمشكله... ساعد بحل المشكله
ان كان تعبك الحمل قطه على ظهر البعير = وارتاح في ظل البيوت اللي علاك مظلله

ارتاح يا مرزوق دام الناس والدنيا بخير = لا تضمن الدنيا على راسك مهيب امحوّله ..!!
يا راعي البابور مرواحك على البحر الغزير = ماكل شيٍ ياولد حمدان منّك نقبله ..!!

استغرب انك فاقد اعصابك وتفكيرك مثير = خلك معي فاللي رسمته لاتحاول تجهله
انا زبون الاوله ماجيت بالصف الاخير = واللي طرالك وسط بالك يا ابيض الشارب قله

الله واكبر وش تفكّر فيه يا توني بلير = خلك معي وانا معك والدرب خابرته هله ..!!
لايكون ودّك ياولد حمدان في ذاك المحير = اللي علوم اهله من اهموم الليال امهوله ..!!