عطيتك العلم الصحيح ولانت صاير لي نسيب= والا العصا تضرب بها وتهان والساري سرا
ياصاحبي هايل توقع فالكلام وصــــــــر لبيب= ترى الجمل يزعل على الحشيان والساري سرا

ربعك منازلهم ورى الويلان في بطن الشعيب=والضاهر الي جنسك قيران والساري سرا
الليله انا ناوي ارسملك على الجبهه صليب=واضربك بالعجرا على الكرعان والساري سرا

تحمد الله واشكره مانته ورى العالم طليب= حاميك عبدالله هو سلطان والساري سرا
الليله انته قمت ترمي بس رميك مايصيب= ان طعتني عوذ من الشيطان والساري سرا

انا احمد الله واشكره وارميك لو منته بذيب=وانته لاتفزع لنذل العربان والساري سرا
هاذي على شانك صلاة العيد قاطعة الخطيب=ساعة بدا بسم الله الرحمن والساري سرا

النذل ماهو عندنا ياللي كلامك فيه ريب= عودت تهرج هرجة الورعان والساري سرا
اثريك مقطوع الرجا واثريك مقطوع النصيب= ياالشاعر اللي يجهل القيفان والساري سرا

انتم صحيح اهل بطون كبار شرابة قليب=واطيبكم الي بايق وخوان والساري سرا
حنا نحسبك من سلالة طيب السيره شعيب=واثرك بليس مفرق الاخوان والساري سرا