جواهر شعر تظهر مع لحون الطواريق = ومن لا يعرف الدرب مايصلح دليله
تقوله مار انا اقول يالصاحب لاتعليق ! = ومن يسمع علوم العرب مابات ليله

احسبنّك جنيه (ن) حمر تطلع تفاريق = تشوف البرق وتقول ماحولي مسيله
اظنّك شاهدٍ للحقيقه دون تحقيق = ترى الساكت عن الحق ماجودٍ بديله

اثرك انته تصفق لها ياعيد تصفيق = يباها مثل حرب البسوس الله وكيله
تسويلك دعايه مع العالم وتسويق = سحابة صيف وانته تخيُلها مخيله

ليامن الضعن سيق قلت العام ماسيق = وانا اقول الدهر قام يوميلك شليله
علامك خفت وانته من ارجالٍ مواثيق = ومثلك لو يفهق نبا نخلي سبيله

يمين الخط يمشون غشمان السواويق = وطول الليل يحسب على العداد ميله
انا ماخفت يالعازمي بلاش تلفيق = آحد ينشر سلاحه وآحد ينشر غسيله