الهدف مايصيبه كـل رجـل غشيـم=من يصيب الهدف راهن على عيارها
من قديم الزمن مايرغبـون العديـم=المعارك تـرى فرسانهـا خيارهـا

الخبر مايجيبه ضعيف البريـم=من يمين الدير ولا من يسارها
أنت ياأحمد حليمٍ مقابل حليـم=والسلع جاهزه عند بيطارهـا

ياجمل شيل حملك دامت أنك حشيم=كل ديره ترنـا نعـرف أخبارهـا
وأنت وافي يابو وافي ورجل كريم=والجواهر نجدهـا عنـد بحارهـا

لا ذكرنا السوالف والزمان القديم=العيون الشقيه هلـت أعبارهـا
وأنت طيب وطيب ولك قلبٍ سليم=وكل سلعة تثمنها على سعارهـا

كل مافات مات وربنا الله الرحيـم=الرجال العوارف كانـو أحرارهـا
وبعد مادارت الدنيا وصارت جحيم=ماسلمنا من الاقـزام وحصارهـا

يصنع الكحل الأسود لعيون الحريـم=والرياجيـل دايـم تحكـم أشوارهـا
وبعد زرع المزارع جاه وقت الصريم=ماسلمتوا مـن الركبـان وغبارهـا

الخبل قالو أنه طاح وسط الهشيم=وكل ناقه تدر وترضع أحوارهـا
أنتها كل شيء في زمان قديـم=والمقابر تبـا تشهـد وقبارهـا