سلام تسليـمٍ يزيـد النـور نـور=وكتابتي تعرف على رسم قلمي
لا شفت لا نجدة ولا جندي مرور=لكن في دربي ورابط محزمـي

يامرحبا بااللي سبح جوف البحور=الشاعر الماهر عزيـز ويكرمـي
زمن يدور وفيه ياكثر الشـرور=الله يعين اللـي يحـل ويحرمـي

دام البقاء لكن ياكثر الصقور=ياحظ من هو للمواقف يحتمي
ماني بائر وأنت حذرى لا تبور=أنا أنتمي لطيب وأنته تنتمـي

الخير في أمة محمد من عصور=والدين يجعل كل مسلم يفهمـي
أنته عريب الجد رجال وقـور=من لابة شجعان ماهـم هتمـي

الخير خير الدين والدنيا عبور=يالله أناطالبك ترفع بسهمـي
والناس لو عاشت تعود للقبور=يالله يالمعبود ثبت لي قدمـي

العبد لن تاب وأناب يلقـى القصـور=في جنة الفـردوس طيـب المغنمـي
وزوجاته من الحور عايش في سرور=فاالجنـه ايخلـد وعايـش مغرمـي

ماماتت الشجرة ليا أسقيت الجذور=واللي بناء بيته مايرجع يهدمـي
تمت وبان العلم في بعض السطور=أحمد ختم علمـه وحنـا نختمـي