مافيه الا شجيعٍ ينقل الباكور والمسبح=على اعلى راس ابو مشعاب قد كسر مشاعيبه
تبا تكشف عن الشبريه اللي تطعنك ياجح=ولا ترتاح لين السيف نجرحك إبمضاريبه

يميل الصف والصفين يارجّال مار اصلح = شجيع بلا قبيله مكسبه ياصاحبي خيبه
تقرّب للصميل اللي من النعمه يبا ينضح = صميل(ن) من يغلّق ماه يقدر يدخله جيبه

انا صالح قابل لاشوف راع العود والمروح=ويكفيني يميني ما ارجي الطيب ولا طيبه
صميلك وفره واسبح بحرنا ياغريق اسبح=ترى فرعون قبلك قد لقى في البحر تعذيبه

يديني للمراجل طايله فوق اليدين الشّح = يجيني راعي العيبه ويرجع مالي العيبه
اقول الموس يجرح وابن مطلق قال مايجرح = ثلاث امواس في حلقه ولاتنطف لغابيبه

ترى كفتك لو بجنيهنا يالعازمي ترجح=مافيها غير قلة تمر مسوسةٍ مذانيبه
ياسمسم فتّح ابوابك لمثلك في العمار افتح=انا ماني سنينك كبر ابوك الي تماريبه

جنيهك وسط عبّك جاك معه اجنيه لو تسمح = فقير ولابسلّك ثوب ماتقدر تصليبه
ياصبرك ياخليفه لو كثر الدح ماقلت اح = تخفّي لو خصمك محرقن وجهك مشاهيبه