نقا شباب

سلام اسلام من مسلم يسلم يا رجال الجود=اردّه بعد طول اغياب والقالات محميّه
ابا شاعر من الشعار ياقف والفهود فهود=ابا شاعر يجيب الجزل و يجنّب عن السيّه

المرشـ ساطي ـدي

هلا يا مطول الغيبه هلا يالغايب الموجود=عدد ما هل همال المزون ونارنا حيه
تبا نار المعارك يا نقا والشب والبارود=والا تبا اللي يهزع عن لهيب الشمس في الفيه

نقا شباب

يدوم الك البقا و سمع قبل ترقا الجبال سنود=ترا ما يقدر الدرب الوعر غير الشقرديه
اباك تسد ميقافك وباك تزيد فالمجهود=اذا سديت ميقافك مجمّل ميه بالميه

المرشـ ساطي ـدي

توصي يا ولد شباب بعد العود حك العود=وانا احرص منك ياراع العلوم البهلوانيه
مزونك هلت الهمال بدري ماسمعنا رعود=تحسسها قبل ما يحَط فوق الراس طاقيه

نقا شباب

ابا اشدّ الك حبل القاف و الناقص ضديد الزود=اعرف النقص قبل الزود و أبعد عن حراويه
تبا تحول صواعق فوق راسك يالجبل و تهود=ترى الأيام دواره ترا الأعمار عاريّه

ماهيب لك هاذي وطعني كبها خلف الحدود=تارط وتاقف وسط حلقك لا مرواح لا جيه
صواقع جات من عندك تجي يمي سهود مهود=يا طير بن برمان ضويت له الداب والحيه

المشاركة الأصلية كتبت بواسطة معجب العتيبي (المشاركة 668218) ابو شباب مبدع كعادتك نظما ومحاوره صح لسانك ساطي صاحب الهجمات المرتده صح لسانك ومبدع ومتابع

يا كبر هرجك و ان بغا احد ٍ فود محد ٍ جاب فود=صحيح و كل رجالا ً يجود بقدرت يديّه
ليا منّك قطعت الريع و تسابق هبوب النود=يبين لكل راعي عقل هرجك ويش تاليّه

في مثل هاذيه يابو شباب ما عليكم زود=نرد الطيب لاهل الطيب والاقوال محميه
تهرجنا ودرجنا المحاله وابعد المنقود=وقبل الخاتمة جايك سلام اسلام رديه