ناصر معه حكه ودموع وسط العين=ومن الخطا راجع دكتور الاسناني
الدين لأهل الجود ياناصر الالفين=ياللي ذبحك البخل وتقول طفراني

المشاركة الأصلية كتبت بواسطة مرزوق حمدان العتيبي (المشاركة 667125) طاروق متميز من تميزكم ... فلله دركم اجمل تحيه ...

ناصرالمرشدي

يامعجب بن سعود ياراعي البحرين=من بحرك الاول لبحرك الثاني
وش لون مدري كيف رايح وجاي من اين=والا مسويها كله على شاني

معجب العتيبي

يامرحبا واهلين ..يامرحبا واهلين=ياشاعرٍ يشرب ببسي على شاني
وش لون ماسلم راع الكلام الزين=والا من الفرحه مستعجل وعاني

ناصرالمرشدي

رحبت مارحبت دوك الخبر هالحين=وش لون يامعجب تقدر تعداني
السالفه ماهيب ضحكه وغمزة عين=يالباني الهادم يالهادم الباني

معجب العتيبي

اقول هاك الزين وتقول هات الشين=وليا نشدتك ليش.؟قلت الزمن فاني
السالفه عمله يعرف لها و جهين=يالداني القاصي يالقاصي الداني

ناصرالمرشدي

ياحبحبه حمرا ...حمرا على السكين=بغيت امشيها /لكن ممداني
ياراعي العملة/ حملت روحك دين=والعام ماشاء الله مخباك ملياني

معجب العتيبي

ناصر معه عله فالراس والخدين=ومن الخطا راجع دكتور الاسناني
الدين لأهل الجود ياناصر الالفين=ياللي ذبحك البخل وتقول طفراني

خلاص ابا طلعك من عالم التمكين=واحمل الشرهه مرزوق حمداني
يكفيك يامعجب وحده من الثنتين=وحده من الثنتين اسمي وعنواني

اكبر بحر جده والا بحر قزوين=ياشاعرٍ غنى زيناة الالحاني
والنعم ياناصر وقت اللزوم تعين=لكن تخربها في بعض الاحياني

اثر العليميه فالمعمعه غادين=صار الشعر مابين هندي وسوداني
ترى يسار يسار ولا يمين يمين=لاتحتدي واقول شكلك تحداني