لو جيوش النصارى تجتمع واليهود = دون حدٌ البلاد الروح ترخصلها
ماعليكم قصور انتم وحنا جنود = لو تجينا الجيوش الكافره كلها

لعنبو قلب رجلٍ فالمواقف شرود=روسهم من على الامتان نشتلها
دون مكه وطيبه واقفين الاسود=للكبود العليله عندنا علها

لا تصيح وتنادي فوق روس الرقود = العرب يابناخي طايحه خلها
لو تعوٌد مع الايام قدح الزنود = ماتجيك العرب لو كنت ترسلها

بناخي الايداء

الله انه يعز المملكه والسعود=شجرةٍ تستظل الناس في ضلها
في ذراء اخون نوره كل خيرٍ يسود=خل بعض العرب تموت من غلها

عبدالله حبيٌب الزراقي

مملكتنا تراب احفادنا والجدود = دونها ندحر العدوان ونذلها
عارفين الصديق وعارفين الحسود = فرقوا بين صاحيها ومختلها

بناخي الايداء

حولنا ياعميل الخير تحشد حشود=كل طامع يقول اليوم بحتلها
احتزم يالعتيبي ابرقت بالرعود=جتك زمرة جيوش ابليس مجتلها

عبدالله حبيٌب الزراقي

لو جيوش النصارى تجتمع واليهود = دون حدٌ البلاد الروح ترخصلها
ماعليكم قصور انتم وحنا جنود = لو تجينا الجيوش الكافره كلها

بناخي الايداء

لعنبو قلب رجلٍ فالمواقف شرود=روسهم من على الامتان نشتلها
دون مكه وطيبه واقفين الاسود=للكبود العليله عندنا علها

عبدالله حبيٌب الزراقي

لا تصيح وتنادي فوق روس الرقود = العرب يابناخي طايحه خلها
لو تعوٌد مع الايام قدح الزنود = ماتجيك العرب لو كنت ترسلها

والله انا رجال ونسلنا من فهود=مار عقب المكيف خربو دلها
خوف قلبي نموت ولاوردنا العدود=حطو الخارطه من شان ندلها

لو نظرنا بعين الواقع الي يسود = شابت الروس يارجال من هولها
بين حب الخدود وبين مص النهود = هيا بالله يارجال وش حلٌها !!