تقوله مار اقول الراس عندك كلبوه فلووق = ماحد ياخذ علومك خص لاحضرو الشقرديه
ثياب العز نعرفها ماجاها حروق والا شقوق = وحنا نعرف اللي راس ماله بس طاقيه

تعير راسي بفلقه وراسك كلبوه أطقوق=ومنها طقتٍ من راعي الدار السناويه
علامك ظالمٍ حظك ياراع المشلح المفتوق=تورسلك المطاري بالسواليف المطيريه؟؟

ليا منّا رجعنا للحقيقه ماهضمت حقوق= انا رجّال اعرف اهل الفعايل والشواويه
تدوّر للقشر واللاله انته صايرً مطفوق = تراني قد ذبحت الداب الاسود واخته الحيه

أخو هملا ليا ضاعت حقوق الداب والزاروق=عليه دموع خلق الله من روقي و روقيه
ياليتك يالعطاوي تعرف السابق من المسبوق=بنوك العز لهل العز والعمله سعوديه

نويت اجيب لك كيلو سمن ياللي تحوقه حوق = مدامك عايشً مابين صبح وبين نجديه
عظامك كسرها يامسهله يابو بطن مفتوق = وهذي خاتمتها منبعج بطنك بجنبيه

أنا ماني عطاوي لارئى سمن القطين يروق=ترى من شان فعله شان قوله لا رحم حيه
رمتنا الناقه الجربا بداها واكلت الرقروق=على الخط السريع تراقب الأجناب عبريه

انا خابرك ماترجع عطاوي ياكثير البوق = تحت فيّة عصانا لو تعزوا بالعصيميه
يقولون العرب مادون الايدي غير لزم حلوق = دروب الله وسيعه وانت مشكلتك (رجل عيه)

عسى الله ما يبقي لي بداخل صدري المعلوق=لو أوقف تحت فية عصى ولد الفلانيه
ولا يامحمد الروقي ياحلو الطبع والمنطوق=لاتزعل من مزوح الصاحب الي ماخلق زيه