اخر زمانك ماتفكر فالحرام وفالحلال=وان كان ماغيرت في وضعك ترى حضك ردي
ياللي بغيت الفال قبل الفال خفت من العقال=جيت تعدي وريتني وجهك وقفيت تعدي

سبحان من غيّر حوال النّاس من حالٍ لــــ حال=من لا هداه الله طريق الخير ما هو مهتدي
ترى الغلط منّي .... و قوفي معك ... في ماض الليال=جهدك ما ينفعك ..لولا الله فزع لك ..بجهدي

هذي تراها حالة الدنيا نزولِ وارتحال=العام قبلي ياوسيع العرف واليوم بعدي
ان كان لك وقفه وراك تمنها يابن الرجال؟؟=والصدق مالك فضل... خل الفلسفه يالاجودي

عيش .. و .. يجيلك يوم تندم فيه .. وتشدّ الرحال=المشنقه ما كان يعلمها ( الرئيس ابو عديّ )
العلم واضح لو جحدت العلم و أكثرت الجدال=و الفضل لله ثمّ للرجالٍ تضدّ المعتدي

ليه العضياني طموحاته على قرن الغزال=وانا احمد الله محتزم ومسدسي في مجندي
الكذب لو انه على منصب... ليا قلت استقال=على الوفاء وصاني ابويه ووصيت ولدي

البنت ما يصلح لها غير النشيط من العيال=اللي ليا قامت يقوم و حين ترقد يرقدي
الكذب قاصرةٍ حباله من يحطّه راس مال=إينصّب الشيطان له قدوه و بأمره يقتدي

يالحاشي اللي ماتخاف من الجمال ابعد لحال=الله يعينك وش يبا يتبع هديري وزبدي
خلك على ضني وضني فيك دايم عال عال =لاترتدي ثوبِ ماهوب يليق الك لاترتدي