من يدور للجميلـه لازم تقـدم يمينـه=ومن يشح بجاهه وماله مايذكر له جمايل
والكريم اللي يقدم خيـر يبـاالله يعينـه=مجتهد في طاعة الله والرجال الها فعايل

مرحبا بالشاعر اللي ينظم بيوتاً ثمينه=في محل يذبح الحايل ويلطم كل عايل
عجل بعلمك ترانا مانجيب الا السمينه=لاتورد علمك الا قارنه ويا الدلايـل

البقابك ياالشقاوي كل علـم محتمينـه=والنعم بعتيبه وياالاجودي كل القبايـل
كل عمله سعرها فاالسوق حنا عارفينه=والثمينه نشتريها منك ياراع الجزايل

هات فتل البيت ياأحمد لاتجيب ألي الغبينه=مايصير اللعب ياأحمد دون معنا في المثايل
الملاعب مثل وصف البحر والمعنى سفينه=حجةً قامت علاكم ما نبـا فيهـا دخايـل

ناس(ن) أتعمر بيوت اللناس أهلها هادمينه=والمعانـي فسروهـا يامفسـرت الرسايـل
في زمنا شاهد الغلطان محـد جـاء يدينـه=قدم عينك ياالشقاوي قول الي وش أنت قايل

قالوا الدكتور يبتر ساق لأجل الغرغرينـه=لاتعشي حول رقه صار فيها السيل سايل
ياوسيع العرف جاك الرد قلي وش ضمينه=صبت راس الطير ولا راح طيرك بالقوايل

مانت حول العلم يارجال علـم خابرينـه=حاتم الطائي كريم وذاع صيته واسط حايل
جاني الرد ولا شوفك عارف سر الدفينه=وأنت رجال شقاوي شاعر باالحيل هايـل