أنا ادري إنّ المعاني مثل زرق الرماح=مضرابها في جنوب القوم ونحورها
إجهودنا كلها تكللت بالنجاح=نقلط مع القوم ما نقلط على سورها

عينك تخيل المخايل شرق والبرق لاح=والناس ندري بجاهلها ومغرورها
ياليت بعض العرب يابن الحلال استراح=نعرف ذياب الديار ونعرف نمورها

والله ما ألوم نايف ياعرب لوّ صاح=أزرى يخاوي رجالٍ طالت شبورها
بعض العرب ما درينا عنه لن جا و راح=إن طالت سنيها و إن طالت شهورها

لورحت للعاصمه والا ديار الصباح=الناس ياصاحبي ماضاقت صدورها
ياالي تسوق المطيه في الديار البراح=اتعبتا خلها تبرك علي زورها

نايف بن ملحق الثعلي

سلام والليل شد الحيل يابن فلاح=واللي يعرف المعاني يسبح بحورها
هبت هبوب السعد والطير رف الجناح=يابن فلاح ام كلثوم انتهي دورها

علي فلاح العضياني

يا مرحبا عدّ ما هبّت هبوب الرياح=إليا بغيت المعاني جاك دكتورها
صحّ أمّ كلثوم راحت والمراح المراح=و انته لاتتلحّق الاموات فقبورها

نايف بن ملحق الثعلي

تري المعاني قويه مثل ضرب السلاح=لاكن لقمتك لاتنشب بحنجورها
هم الليالي عليكم زاد والحض طاح=اصبر على همها وصبر علي جورها

علي فلاح العضياني

أنا ادري إنّ المعاني مثل زرق الرماح=مضرابها في جنوب القوم ونحورها
إجهودنا كلها تكللت بالنجاح=نقلط مع القوم ما نقلط على سورها

نايف بن ملحق الثعلي

عينك تخيل المخايل شرق والبرق لاح=والناس ندري بجاهلها ومغرورها
ياليت بعض العرب يابن الحلال استراح=نعرف ذياب الديار ونعرف نمورها

علي فلاح العضياني

والله ما ألوم نايف ياعرب لوّ صاح=أزرى يخاوي رجالٍ طالت شبورها
بعض العرب ما درينا عنه لن جا و راح=إن طالت سنيها و إن طالت شهورها

نايف بن ملحق الثعلي

لورحت للعاصمه والا ديار الصباح=الناس ياصاحبي ماضاقت صدورها
ياالي تسوق المطيه في الديار البراح=اتعبتها خلها تبرك علي زورها