يامرحبابك يالمسلم من عزيزين المقام = اللي على هدي النبي ماغيره احدٍ صاحبي
السوق بيع ومشترى والنور جلاي الظلام = والغاليه مطلبك يا احمد واعرف انّه مطلبي

عندي سوالٍ مختصر مافيه زود ولا كلام = في كل ديره جرّتك وشهو حصيلك ياصبي؟
يمناي مع يمناك يا احمد فالمواقف مانلام = خل الهجوس الضاميه تارد عذيب المشربي

دايم تروح وفطّرك ترجع مع العنوه حيام = ياكبر هقواتك وقدام الذيابه تختبي
لاهبّت العليا وصار الجو تقتير وعسام = ماضاقت الارض الفسيحه غير بعيون الغبي