يازين لعبٍ معك ياعيد ياخوك = الفتنه القايمه تطفي سناها
لكن ابا اردها فالعود متروك = واكحل عيونه واسبب له عماها

اصحابك اللي على سنجار شالوك = عساك قد المهمة يا فتاها
العود متروك بيره صار مملوك = لاخير في عود بيره ماحماها

مالي صحيبٍ ياعيد الا انت وابوك = ياربعنا اللي كرمها من لحاها
لايصبح العلم يابن العم مشروك = مال الرعيه ياكود اللي رعاها

سعود العصيمي=
سلام ردية تصرف من البـوك= للعازمـي نبتديهـا وانحداهـا
يالعازمي خل باب البيت مفكوك = والسلعه الغاليه تجـزا علاهـا

عيد العازمي=
يالراجحي لو مليت الارض ببنوك=ترحيبتـي ماتعـادل مستـواهـا
اختار درب السعه والا على الشوك=فالحله اللي تنومس مـن نصاهـا

سعود العصيمي=
الله واكبر ورا في قلبك اشكـوك=الناس من عصرها صعبٍ رضاها
يالعازمي خلها تمزيح وضحـوك=بعض العلل فالزمن يصعب دواها

عيد العازمي=
حبل الشقا يالعصيمي كان متـروك=لكن بعـض العـرب قطّـع يداهـا
اللي على المزح والتضحيك وصّوك=السلعـه البايـره محـدن شراهـا

سعود العصيمي=
يازين لعبٍ معك ياعيد ياخـوك=الفتنه القايمه تطفـي سناهـا
لكن ابا اردها فالعود متـروك=واكحل عيونه واسبب له عماها

عيد العازمي=
اصحابك اللي على سنجار شالوك=عساك قـد المهمـة يـا فتاهـا
العود متروك بيره صار مملـوك=لاخير في عود بيـره ماحماهـا

سعود العصيمي=
مالي صحيبٍ ياعيد الا انت وابوك=ياربعنا اللي كرمها مـن لحاهـا
لايصبح العلم يابن العم مشـروك=مال الرعيه ياكود اللـي رعاهـا

صحبة معزه وانا اقوللك مبروك = معكم حبال الوصل تاصل حراها
طرقت بابٍ عن العذال مصكوك = معك السوالف مع العالم صداها