لو تحس بنار شوقي عن عيوني ما تغيب=كيف ترحل ياحبيبي ! وانت تدري عن غلاك
اتخيل خطوتك وامشي على الدرب الصعيب=تايه الخطوة وقلبي يا غلايه في رجاك
تاهت افكاري وعشت بغيبتك مثل الغريب=في شقى وحيرة وكله يا غناتي من جفاك
ضاقت الارض الفسيحة وضاق هالكون الرحيب=والحزن خيّم علي<ه> وانتهك حالي انتهاك
جف دمعي من عيوني ما بقى حتى السريب=دمع عيني انتهى والنفس جا فيها الهلاك
حالتي مثل اليتيم اللي فقد اغلا قريب=ماتت امه قدم عينه والطفل جاه ارتباك
ليه ترحل يانظر عيني؟وتتركني صويب=بعد ما اغليتك وحبك ممتلكني امتلاك
اتشره في غيابك ما لقيت اللي يجيب=ماحسبت حساب هجرك كيف هذا لي جزاك؟
القوافي صوتها من بعدكم مثل النحيب=مايفيد الشعر لو اكتب قصايد في نداك
من سبايب غيبتك يا صاحبي حالي عطيب=ضايع بليا امل ياكود في لحظة لقاك
لحظةٍ فيها التلاقي وانت<ه> لحالي طبيب=عجل ارفق بالعليل اللي مع الوقت احتراك
جرح قلبي يا حياتي من فراقك ما يطيب=يا هنايه يا شقايه آه يا ماكبر خطاك
خاف يا خلي من اللي فوقي وفوقك رقيب=وارحم الموفي بحبك ما ملى عينه سواك