هذاه عنتر وهذا سالم الزير=يردون يوم اللقاء حوض المنيه
ماودي الد لك من غير تحقير =الا بعد ماتجيب التابعيه

ترى المجاهيم ماهي بالمغاتير = وحنا قطنا على مقلع طميه
نذبح ونصلخ ولاجتنا المخاسير = واشعارنا غنوا ابها الاردنيه

هالحين ابا اعلمك واعطيك تقرير=لاتقرب النار دام النار حيه
وان تعبتك المسافه والمشاوير =مالك وراءها كثير ولابليه

دوك البشاره وعجل بالتباشير = وابشر براس الطلي مني هديه
هداج هداج ماغيره لنا بير = وان كان جبت الخبر ...(قــــرب شويه)

ماهوب انا اللي يسير بدهنة السير=اكل طليك براسه والك 100
الخير موجود في سوق الهوامير=والدرب قدام والخطوه جريه

روحوا عن المسك يانفاخت الكير = وشلون تجزا هل الخير بــأذيه
ياللي تضارب سهام الجبس وحكير= الربح مضمون والله بالحذيه

ان غرك ابليس قدامك زمهرير=لكن طعني وقدم لي تحيه
اقول فاخر كلامي خير ياطير=ماعاد لك عند غبرك قابليه