بناخي الايداء

هلا يامرحبابك ياعميل الخير يا سلطان=عدد مزنٍ يلوح وعد ماهلت مخايلها
علامك يالجذع مارحت بحصانك مع الفرسان=وانا خابرك فارس للمعاني وانت شاملها

سلطان الجـذع

يدوم الك البقا يالشاعر اللي تبدع الالحان =وانا خابرك كلمه من ضميرك ماتوصلها
والا يالمورقي لو تازن الدعوى على الميزان =عيال ابليس اظن الرابح اللي مايعاملها

بناخي الايداء

تري بعض العرب ما همها ياكود رفع وشان=وحضيض القوم منهو ياولد يجيك حاملها
نبا ندعمك بالعمله نبا ندعمك بالنيشان=نبا سلطان يحظر بالنيابه ثم يجملها

سلطان الجـذع

مدام انك دخلت السوق دور غالي الاثمان =ترى بعض السوالف ماتبيض وجه قايلها
غني بعزتي عن دعم ياصلني من العربان =وانا اكبر من مقاريد العباد ومن مهبلها

بناخي الايداء

انا ما اخطيت في هرجي تقال انك على شرهان=علامك ياولد عمي علومك ماتعدلها
تري ماحدٍ غني فالمواقف حزت الميدان=اخير لك تغير هرجتك هاذي تبدلها

انا مااجهلك وانت بناخي الطيب من الفرسان =ولكن البعيدة عن عيونك كيف تاصلها
على مالها معنى علوم مالها برهان =اقول الناقصه ياصاحبي حاول تكملها

تبا تجحد علومك والحقيقه كل شيٍ بان=لك الله يالجذع رجلك على الروحه مغربلها
حضرت وجيت يم ديارنا ياصاحبي خسران=حقيقه والحقيقه ياعميلي مانقولها