أبتـدي بالسـلام وسنـة نبتـدي بـه=لن نصيت الرجال أثني عليهـم سلامـي
كـل رجـال لايمكـن يحـب الغليـبـه=شرق والاجنوب وغرب وأن رحت شامي

مرحبا والمسلم واجب انـي اجيبـه=مرحبا بك وترحيبي بمبـدا كلامـي
كان عندك جديد اليوم يا احمد تجيبه=مانبالك غليبه مير شـد الحزامـي

البقـا ياالعتيبـي دون شك وريبـه=وأنت معروف وأسمك من كبار الأسامي
عندي العد يروى مـاه كامـل شعيبـه=ماء قراح ويري كل من جـاه ضامـي

كل ما شفت من ربعي شجيع انتخـي بـه=وانت يا احمد اشوفك صرت فارس ورامي
راعـي البندقيـه قـوم حـدد ضريـبـه=بيني وبينـك وعطنـي جديـد العلامـي

أنت ياالمعتصم فارس ولاهي غريبـه=مايخوض المعارك غير فارس نضامي
الهدف لن رميته بأذن ربي لصيبـه=هذا شيء مهم أشوفه أنـا لازامـي

كل طيب تشوف الناس فعلـه وطيبـه=وانت ماصرت فارس ..باقيٍ حول عامي
شد حيلك وانا ابا اراقب اللـي تجيبـه=وانتبه لا تصدرهـن مازالـن حيامـي

فيك يالأجودي ميزه غريبه عجيبه=متجازى بمعروف ياهذا التهامـي
والغريبه يوم أنك من قبيلة عتيبه=من قبيله لها مجد تليـد وسامـي