محمد الزهراني

سلام تسليم الوفا لاهل الوفا في كل يوم = اقولها لاهل الوفا في كل يوم من السنه
الله ياكثر الاماني ياعتيبه والحلوم = المستحيله مستحيله كيف تصبح ممكنه

العازمي

يامرحبا ترحيب وافي في محلات القروم = لاقلتها تنصى فواد الضيف حتى تسكنه
لو الزمان ايدور حنّا ماتخاوينا الهموم = العز في جيب العتيبي وان بغا يصرف منه

محمد الزهراني

دام البقا ما يلحق المطلق في الترحيب لوم = وانتم هل المرحب وطيب الفال طول الازمنه
العمر يفنى والليالي يابن عاصي ما تدوم = الهرج في وقت السعه لكن ماحد يضمنه

العازمي

زهران يانور الجنوب اللي تغشّاه الغيوم = في ظلعكم مانعرف الرجّال لو ننشد عنه
لاصار مالك ضلع في وقت الرخا والا اللزوم = دوّر على ظلٍ يظلّك ثم حاول تزبنه

ياكبرها غلطتك خميت القروم مع الرخوم = الرجل ما يعرفه غير الرجل وابليس العنه
يالعازمي لا صرت متوذي وفي بالك علوم = لا تدحم الضلع المنيف ولك قرون موهنه

وابلشة العاقل ليامنّه نوى شد الخصوم = من ربشة الرجّال يكسر قافنا ماثمنه
اللي على معكاز مايقدر يعدّي فالرجوم = من وادي ال وادي مكانه مايفارق موطنه

ما ينزل اعماق البحور الا الذي يقدر يعوم = خلك على الشاطي وصيد من احسن الحوت احسنه
انته على رجمك وحنا قد تعدينا النجوم = الميسره يالعازمي ماهي بمثل الميمنه

المشاركة الأصلية كتبت بواسطة معجب العتيبي (المشاركة 641829) محمد الزهراني والعازمي صحة السنتكم ابداعكم لاينتهي ومتابعتنا تستمر