معجب العتيبي

ياهلا مرحبا ترحيبةٍ ماتبور=يفخر ابها مع الريجيل من قالها
الخيال يترزم من ليال وشهور=والديار الديار ابطت على حالها

غازي غالب

البقا يالمرحب مير خلك صبور = الحموله جملها لابرك شالها
الاوادم ترى اكثرهم بوسط القبور = والعقد مالها ياكود حلالها

معجب العتيبي

صاحبي قبل لاتمشي علامك تدور=ما اتعب اهل القصايد غير موالها
تنجلي كل ظلمه كل ماشع نور=وان سمعت الحجج لاتقول من قالها

غازي غالب

الله الله حسيبك فالبعث والنشور = يومها مايفيدك شفرة ارسالها
صاحبي منت عالم خافيات الصدور = شاعر ٍ غترته ماتقضب اعقالها

معجب العتيبي

صاحبي مايوفّي لانذر فالنذور=والبشر فالصحف محفوظه اعمالها
انت ياصاحبي شاعر وصوتك جهور=بس غترتك مكويه ويرثالها