صحيبك لاعطيته علم علمه فالهوا ماضاع=يفك الرمز ويرد الخبر من بين الاوراقي
ترا بعض السوالف تترك لبعض الرجال ارماع=خصوصا في خبر معشوقةٍ ماهيب تنطاقي

سعود العصيمي

سلام الله سلام ينشري باغلا ثمن ويباع = يباع وينشري باغلا ثمن في غال الاسواقي
ابو سلطان شاعر يعرف المدخال والمطلاع = لكن خيّل عليه خيال اله راعد وبراقي

معجب العتيبي

هلا يامرحبا ترحيبةٍ تاصل هل الاسماع=من الجيران والاصحاب والمصدر من اعماقي
ليا شفنا العصيمي مر قلنا زانت الاوضاع=نبا ناخذ علومه والسوالف عقب الاشواقي

سعود العصيمي

يدوم الك البقاء والعلم لا يسري مع الارواع = ابا اعطيك الاشاره وانت شاعر واظهر الباقي
يامعجب ماعليكم زود بدّع واسمع الابداع = وعلمني عن المعشوقه اللي كانت تساقي

معجب العتيبي

صحيبك لاعطيته علم علمه فالهوا ماضاع=يفك الرمز ويرد الخبر من بين الاوراقي
ترا بعض السوالف تترك لبعض الرجال ارماع=خصوصا في خبر معشوقةٍ ماهيب تنطاقي